當最後一個客落機之後，我地就會做降落後嘅檢查，睇下仲有冇客啦，有冇大頭蝦漏低野咁。
咁多年來執到嘅不外乎
- 電話
- 銀包/護照
- 手信
- 手袋/背囊/行李
有時候就執到啲衫褲鞋襪，胸圍底褲都執過，不過呢班機「執」到嘅都幾估佢唔到
我「執」到個細路，佢老母漏左個仔啊 🤦🏻♂️
係一個六 七歲嘅香港小朋友
我「細佬，媽咪去左邊啊」
細佬「佢去左屙尿呀！」
我「但係成機都得返你一個咋，有冇媽咪電話呀？」
正想打電話比佢呀媽之際，前面呀姐就話有個客漏左野上黎攞返 🤔
係呀，嗰個好急尿嘅媽媽返黎湊返個仔 🤭
老母「你做咩唔落機呀？」
細佬「我點知你飛機有廁所唔去，用出面嗰啲喎」
呀姐「太太，我飛左廿年有人漏左個仔你都係第一個，我地做人呀媽嘅應該要好好睇住個仔，好彩你個仔醒姐」
比呀姐教訓完一輪之後，個呀媽頭耷耷拖住個仔走左 😜
老老實實，如果佢冇返黎，我地真係會以為佢經濟有困難而漏低個仔喺道
🥜🥜🥜🥜🥜🥜🥜🥜
Search